Idman.biz
Motorsport-un verdiyi məlumata görə, ABŞ Prezidenti Donald Tramp 2026-cı ildə Vaşinqtonun mərkəzindəki trekdə "IndyCar" yarışının keçirilməsi planlarını rəsmi olaraq təsdiqləyən sərəncam imzalayıb.
İdman.Biz bildirir ki, "America 250 Grand Prix" adlandırılan yarış ABŞ-ın müstəqilliyinin 250 illiyinə təsadüf edir. Sərəncamda Vaşinqton meri Muriel Bouzerə prezident administrasiyası, Nəqliyyat və Daxili İşlər nazirlikləri ilə birlikdə IndyCar-la müştərək trek planı hazırlamaq və tədbir üçün maliyyələşdirmə təmin etmək tapşırığı verilir.
Yarışın 21-23 avqust həftəsonu, Ontario ştatının "Markham" və Viskonsin ştatının "Milwaukee Mile" yarışları arasında keçirilməsi planlaşdırılır. Ölkənin paytaxtının mərkəzində yarışın təşkili, xüsusən də Kapitoli ərazisində reklamın qadağan edilməsi nəzərə alınmaqla, logistika çətinlikləri yaradacaq.
"Prezident Tramp idmanımız üçün inanılmaz bir şərəf olub və IndyCar ölkəmizi möhtəşəm bir yarış tamaşası ilə şərəfləndirməyə hazırlaşarkən ona olan etibarına və dəstəyinə görə minnətdarıq", - deyə seriyanın sahibi Rocer Penske NBC News-a bildirib.
2019-cu ildə Tramp tərəfindən Prezident Azadlıq Medalı ilə təltif edilən Penske, Oval Ofisdə sərəncamın imzalanması mərasimində iştirak edib. Tramp yarışın iştirakçı sayının rekord qıracağına əminliyini bildirib.
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
