Idman.biz
Videooyunlara uzun müddət vaxt ayırmağın sağlamlığa mənfi təsir göstərdiyi ilə bağlı yayılmış fikirlər elmi araşdırma ilə təsdiqlənməyib.
İdman.Biz xəbər verir ki, alimlər intensiv şəkildə videooyun oynamaqla təşviş və ya depressiya riskinin artması arasında heç bir əlaqə aşkar etməyiblər.
Tədqiqat çərçivəsində üç il ərzində 11-14 yaş aralığında olan 25 min yeniyetmə müşahidə olunub. Araşdırma zamanı onların gündəlik vərdişləri və emosional vəziyyətləri təhlil edilib.
Nəticələr göstərib ki, videooyunlara sərf olunan vaxtın artması nə oğlanlarda, nə də qızlarda sonrakı illərdə psixi sağlamlığın pisləşməsinə səbəb olmayıb.
