Qol.az
Braziliya millisinin sabiq baş məşqçisi Tite sağlamlığı ilə əlaqəda karyerasına qeyri-müəyyən müddətlik fasilə verib.
QOL.az "Athletic"ə istinadən xəbər verir ki, bu barədə mütəxəssis özü danışıb. O deyib:
"Mən başa düşdüm ki, bir insan kimi həssasam və bunu qəbullanmaq məni daha güclü edəcək. Mən işimi çox sevirəm. Amma ,ailəmlə danışdıqdan və bədənimin mənə verdiyi siqnalları dinlədikdən sonra özümə baxmağa qərar verdim. İctimaiyyətə məlum olduğu kimi, "Korintians"la danışıqlar gedirdi. Lakin zəruri qərara görə dayandırıldı".
Qeyd edək ki, Tite 2016-2022-ci illərdə Braziliya millisinin baş məşqçisi olub. O, 2022-ci ildə Qətərdə keçirilən dünya çempionatının 1/4 finalında mübarizədən kənarlaşdırıldıqdan sonra millidən ayrılıb.
