Report.az
Hədəfim bu yarışda çempion olmaq və ya medalçılar sırasına düşmək, həmçinin rekordları yeniləməkdir.
Bunu "Report"a açıqlamasında Çexiyada keçirilən dünya çempionatına lisenziya xarakterli XXXII Ostrava Qran-prisində 1 qızıl, 2 gümüş medal qazanan Azərbaycan üçgüçüsü Süleyman İsmayılzadə deyib.
O, yarışla bağlı təəssüratını bölüşməklə yanaşı, planlardan da bəhs edib:
"Komandamız Çexiyadakı Qran-pridə çox yaxşı, uğurlu çıxış etdi. Mən bir qızıl, iki gümüş medal qazandım. 400 metr məsafədə olimpiadanın iştirakçısını qabaqlayaraq birinci yeri tutdum. Həmçinin Çexiyada gənclər arasında keçirilən Qran-pri yarışının rekordunu yeniləmişəm. Yarış tək mən deyil, hər bir iştirakçı üçün uğurlu keçdi. Şəxsi məşqçim Ruslan Hətəmxanova, baş məşqçi Rəşad Əbdürrəhmanova, həmçinin Üzgüçülük Federasiyasının rəhbərliyinə təşəkkür edirəm. Qarşıdan U-23 Avropa çempionatı gəlir. Hədəfim bu yarışda çempion olmaq və ya medalçılar sırasına düşmək, həmçinin rekordları yeniləməkdir. Dünya çempionatına lisenziya qazanmağı da hədəfləmişəm".
Qeyd edək ki, Azərbaycan üzgüçüləri təşkilatçı ölkə ilə yanaşı, Fransa, Polşa və Sloveniyanın da qatıldığı Qran-pridə 2 qızıl, 8 gümüş və 7 bürünc medal qazanıblar.
