Lent.az
Bakıda kişi və qadın boksçular arasında ənənəvi Böyük İpək Yolu beynəlxalq turnirinin qalibləri müəyyənləşib.
Lent.az xəbər verir ki, beş gün davam edən yarışda 9 ölkənin 175 idmançısı qüvvəsini sınayıb.
Boks Mərkəzində təşkil olunan final döyüşlərini gənclər və idman naziri Fərid Qayıbov, Azərbaycan Boks Federasiyasının prezidenti Sahil Babayev, Milli Olimpiya Komitəsinin baş katibi Azər Əliyev və digər rəsmi şəxslər izləyiblər.
Yığmamızın heyətində həlledici görüşdə qələbə qazanan Zeynəb Rəhimova, Aynur Rzayeva, Sübhan Məmmədov, Nicat Hüseynov, Məhəmmədəli Qasımzadə, Nəbi İsgəndərov, Seidcəmşid Cəfərov və Alfonso Dominqes qızıl medala sahib olublar. Digər boksçularımızdan Murad Abdullayevlə Məhəmməd Abdullayev ikinci yeri tutublar. Bir gün əvvəl isə Şamil Əsgərov, Tağı Nəsibov, Ruslan Rüstəmov, Məmməd Quliyev, Anaxanım İsmayılova, Bəhriyyə İbrahimova və Aynur Mikayılova bürünc medala yiyələniblər.
Təltifolunma mərasimində Azərbaycan Boks Federasiyasının prezidenti Sahil Babayev və gənclər və idman naziri Fərid Qayıbov da iştirak ediblər. Onlar müvafiq olaraq, 51 kiloqram və 86 kiloqram çəkidə qalibləri mükafatlandırıblar.
Millimiz 8 qızıl, 3 gümüş və 7 bürünc medalla komanda hesabında birinci yeri tutub və Böyük İpək Yolu kubokuna yiyələnib. İkinci yerdə Rusiya (6-10-3) qərarlaşıb, "üçlüy"ü isə Qazaxıstan (4-2-12) qapayıb.
Turnirdə qadınların yarışında ən yaxşı boksçu Zeynəb Rəhimova (Azərbaycan), kişilərdə Vsevolod Şumkov (Rusiya) seçilib. Şahboz Yunusaliyev (Özbəkistan) ən əzmkar, Zaal Cavaxadze (Gürcüstan) ən yaxşı hakim adına layiq görülüb.
Finallar
Qadınlar
48 kiloqram
Jasmin Tahirova (Özbəkistan) – Liya Patlay (Rusiya) – 1:4
50 kiloqram
Marjona Savriyeva (Azərbaycan) – Sabina Babakulova (Özbəkistan) – 0:5
52 kiloqram
Anja Sadvakassova (Qazaxıstan) – Zeynəb Rəhimova (Azərbaycan) – 1:4
54 kiloqram
Elina Bazarova (Qazaxıstan) – Darya Panteleyeva (Rusiya) – 5:0
57 kiloqram
Viktoriya Baydukova (Qazaxıstan) – Darya Abramova (Rusiya) – 4:1
70 kiloqram
Angelina Vitova (Rusiya) – Epelle Mbata (İBA) – 4:1
+81 kiloqram
Aynur Rzayeva (Azərbaycan) – Kseniya Olifirenko (Rusiya) – 4:1
Kişilər
48 kiloqram
Sübhan Məmmədov (Azərbaycan) – Sahil Allahverdovi (Gürcüstan) – 5:0
51 kiloqram
Nicat Hüseynov (Azərbaycan) – Bair Batlayev (Rusiya) – 4:1
54 kiloqram
Maksim Kuznetsov (Rusiya) – Baqslan Kenjebek (Qazaxıstan) – 1:4
57 kiloqram
Nodirbek Allaberqanov (Özbəkistan) – Eduard Savvin (Rusiya) – 0:5
60 kiloqram
Məhəmmədəli Qasımzadə (Azərbaycan) – Vsevolod Şumkov (Rusiya) – 4:1
63,5 kiloqram
Sayat İlyasov (Özbəkistan) – Sandan Sandanov (Rusiya) – 5:0
67 kiloqram
Nəbi İsgəndərov (Azərbaycan) – Yevgeni Kul (Rusiya) – 3:2
71 kiloqram
Nurbek Mursal (Qazaxıstan) – İqor Sviridçenkov (Rusiya) – 5:0
75 kiloqram
Seidcəmşid Cəfərov (Azərbaycan) – Sanjar-Ali Beqaliyev (Qazaxıstan) – 5:0
80 kiloqram
Murad Allahverdiyev (Azərbaycan) – İlyas Maqomedov (Rusiya) – 1:4
86 kiloqram
Casurbek Yuldaşev (Özbəkistan) – Timur Qamzatov (Rusiya) – 1:4
92 kilqoram
Alfonso Dominqes (Azərbaycan) – Ramazan Dadayev (Rusiya) – 4:1
+92 kiloqram
Məhəmməd Abdullayev (Azərbaycan) – David Surov (Rusiya) – 2:3
