Idman.biz
Kriştianu Ronaldu PSJ-nin ağır zədə alan futbolçusu Xviça Kvaratsxeliyaya dəstək mesajı ünvanlayıb.
İdman.Biz xəbər verir ki, portuqaliyalı ulduz gürcüstanlı hücumçunun "Instagram" hesabında paylaşdığı zədə ilə bağlı açıqlamaya şərh yazıb.
Ronaldu Kvaratsxeliyaya müraciətində bunları qeyd edib:
"Futbolda ən çətin mübarizələr çox vaxt heç kimin görmədiyi mübarizələrdir. Bu hissi yaxşı bilirəm, Kvara. Amma səni bura gətirən səbəbləri heç vaxt unutma. Bir çətin anın səni nə qədər irəli gedə biləcəyinə şübhə etməyə vadar olmasına imkan vermə. İçindəki o alovu söndürmə. Ən yaxşı günlərin hələ qabaqdadır".
Qeyd edək ki, Kvaratsxeliya Çempionlar Liqasının əsas mərhələsinin üçüncü turunda "Barselona" ilə keçirilən və PSJ-nin 4:2 hesablı qələbəsi ilə başa çatan görüşdə ağır zədələnib. Gürcüstanlı futbolçunun sağ dizinin ön çarpaz bağlarında qopma aşkarlanıb və onun mövsümün qalan hissəsini buraxacağı gözlənilir.
Kvaratsxeliyaya komanda yoldaşı Usman Dembele və sabiq klubu "Napoli" də dəstək göstərib.
