"Real" qapıçısı Tibo Kurtua ilə müqavilənin müddətini uzadıb. Sport24.az xəbər verir ki, bu barədə insayder Fabritsio Romano sosial şəbəkə hesabında paylaşım edib.
Yeni razılaşma 2028-ci ilə qədər qüvvədə olacaq. Əvvəlki sözləmənin müddəti isə 2027-ci ilin yayında başa çatmalı idi.
Müqavilənin uzadılması ilə bağlı rəsmi açıqlamanın tezliklə veriləcəyi gözlənilir. "Real" bu yaxınlarda Arda Gülər və Orelien Tçuameni ilə də yeni müqavilələr bağladığını elan etmişdi.
Qeyd edək ki, Kurtua 2018-ci ilin yayında 35 milyon avro qarşılığında "Çelsi"dən transfer olunub. 32 yaşlı belçikalı qapıçı "Real"da çıxış etdiyi müddətdə 12 titul qazanıb. Bunlara üç La Liqa çempionluğu və iki Çempionlar Liqası kuboku daxildir.