Qol.az
"Bavariya"nın futbolçusu Harri Keyn öz penalti zərbələrini yerinə yetirmə texnikasından danışıb.
QOL.az xəbər verir ki, bu barədə ESPN "TNT Sports Brasil" nəşrinə istinadən məlumat yayıb.
İngiltərəli hücumçu "Santos"un vingeri Neymar və "Genoa"nın hücumçusu Mario Balotellidən ilham aldığını bildirib: "Bu illər ərzində belə penaltiləri vuran bir çox futbolçu olub. Balotelli belə idi, Neymar da həmçinin. Elə oyunçular vardı ki, topa zərbə vurmazdan əvvəl qapıçının qapıdan çıxmasını gözləyirdi. Mən isə heç vaxt belə etməmişəm, daha çox güc və dəqiqliklə vurmağa çalışmışam.
Dünya çempionatında penaltini qaçırdığım zaman, nəyisə dəyişə biləcəyimi hiss etdim — xüsusən də bir oyunda iki penalti vurmalı olursansa. Oyunumun bu hissəsini inkişaf etdirmək istədim. Şükür ki, o vaxtdan bəri hər şey yaxşı gedir".
Qeyd edək ki, Harri Keyn bu mövsüm "Bavariya"nın heyətində 41 oyuna çıxaraq 34 qol vurub və 12 qolun ötürməsini edib.
