Qol.az
"Milan"ın baş məşqçisi Serxio Konseysao İtaliya kubokunun yarımfinal mərhələsinin cavab oyununda "İnter"ə qalib gəlməkləri (3:0, ilk oyun - 1:1) danışıb.
QOL.az xəbər verir ki, mütəxəssis finala adlamaqlarını belə şərh edib:
"Atalanta" ilə matçdan sonra derbidə qalib gələcəyimə inanırdım. Xırda detallar önəmlidir. Komandanın həm hücumda, həm də müdafiədə münasibəti və həmrəyliyi çox xoşuma gəldi. İlk dəqiqələrdə bizim üçün bir az çətin oldu, amma sonda qol vurduq və oyuna nəzarəti ələ aldıq".
O, finala yüksəldikləri üçün çox sevincli olduğunu qeyd edib: "Bu qələbədən sonra məndə qarışıq hisslər var. Mən bu idmanı ehtirasla, bəlkə də hamıdan çox sevirəm. Evə də futbol aparıram. Hətta həyat yoldaşım da bu qələbəyə sevinir".
Qeyd edək ki, "Milan"ın həlledici matçdakı rəqibi İ"Bolonya" - "Empoli" cütünün qalibi olacaq.
