Sport24.az
Kişilər arasında həndbol üzrə 2025-ci il dünya çempionatının finalçıları müəyyənləşib. Sport24.az xəbər verir ki, fevralın 2-də keçiriləcək həlledici görüşdə Xorvatiya və Danimarka komandaları qarşılaşacaq.
Xorvatlar yarımfinalda fransızları 31:28, danimarkalılar isə portuqaliyalıları 40:27 hesabı ilə məğlub ediblər.
Qeyd edək ki, Danimarka yığması son üç mundialın (2019, 2021 və 2023) qalibi olub, Xorvatiya isə yalnız 2003-cü ildə çempionluq sevinci yaşayıb. Həndbol üzrə dünya çempionatı Xorvatiya, Norveç və Danimarkanın beş şəhərində keçirilir.
