Qol.az
"Barselona"nın vitse-prezidenti Rafael Yuste "Real"ın futbolçusu Kilian Mbappeyə verilən cəzanı şərh edib.
QOL.az İspaniya mətbuatına istinadən xəbər verir ki, o, verilən qərarla narazı olduğunu bildirib:
"Mbappenin bir oyunluq diskvalifikasiya edilib? Bu, biabırçılıqdır. Tamamilə absurddur. O, ciddi zədəyə səbəb ola bilərdi. Əgər bizim oyunçulardan biri bunu etsəydi — nəyi ki, etməzlər, çünki bizimkilər təmiz və vicdanlı oyunçulardır — onların başına nələr gələrdi, bilmirəm. Bu, ədalətsizlikdir".
Qeyd edək ki, La Liqanın 31-ci turunda keçirilən "Alaves" - "Real" matçının Kilian Mbappe 38-ci dəqiqəsində rəqib futbolçunun baldırına açıq ayaqla zərbə endirib. VAR-a baxıldıqdan sonra Mbappe qırmızı vərəqə ilə meydandan qovulub. Daha sonra isə buna görə fransalı futbolçu bir oyunluq diskvalifikasiya edilib.
