Report.az
Bu nəticə təsadüfi deyil.
Bunu "Report"a açıqlamasında "Altay" taekvondo klubunun məşqçisi Murad Həsənov deyib.
Mütəxəssis Estoniyanın paytaxtı Tallində keçirilən klublararası Avropa çempionatında komandanın ikinci yeri tutması ilə bağlı fikirlərini bölüşüb:
"Bu, klub üçün xüsusi əhəmiyyət kəsb edən yarış oldu. Turnirdə 30-dan çox ölkədən 1200-ə yaxın idmançı iştirak edirdi və yüksək səviyyəli rəqabət şəraiti hökm sürürdü. Çətin və məsuliyyətli yarışda komandamız ümumi hesabda ikinci yeri tutaraq, beynəlxalq arenada ilk ciddi uğuruna imza atdı. Aylarla davam edən məşqlər, idmançılarımızın intizamı və mübarizə ruhu bizə bu nailiyyəti qazandırdı. Hər bir idmançımız ölkəmizi layiqincə təmsil etdi. "Altay" klubunun bu uğuru bir başlanğıcdır".
O, qarşıdakı məqsədlər barədə də danışıb:
"Milli yarışlarda, beynəlxalq arenada daha da uğurlu nəticə qazanmaq, ölkəmizi yüksək səviyyədə təmsil edə biləcək yeni nəsil peşəkar taekvondoçular yetişdirmək istəyirik. Bu yolda bizimlə birgə olan və klubumuzu dəstəkləyən hər kəsə minnətdaram. Xüsusilə bu uğurumuzun əldə olunmasında bizə dəstək olan Azərbaycan Taekvondo Federasiyasının rəhbərliyinə təşəkkür edirik".
Qeyd edək ki, klublararası Avropa çempionatı kiçikyaşlı yeniyetmələr arasında keçirilib.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
