Qol.az
"Real"ın baş məşqçisi Karlo Ançelotti öz istefası ilə bağlı sualı cavablandırıb.
QOL.az xəbər verir ki, o, Çempionlar Liqasının 1/4 mərhələsinin cavab oyunlarında keçiriləcək "Arsenal"la matçdan öncə təşkil olunan mətbuat konfransında deyib:
"Düşünmürəm ki, "Arsenal"la oyunun nəticəsi mənim "Real"dakı gələcəyimə təsir olacaq. Mən sabaha fokuslanmışam. Başınızı soyuq saxlayın və işinizə davam edin. Bu, ilk böyük oyunum deyil. Ümid edirəm ki, sonuncu böyük oyunum da olmayacaq. Səbirsizliklə gözləyirəm".
Qeyd edək ki, daha öncə mətbuatda Madrid təmsilçisinin mərhələni keçə bilməyəcəyi təqdirdə Ançelotti ilə yollarını ayıracağı ilə bağlı xəbərlər yayılmışdı.
Xatırladaq ki, sözügedən komandalar arasında ilk görüş London klubunun 3:0 hesablı qələbəsi ilə başa çatıb. Cavab oyunu sabah "Real"ın doğma meydanında, Bakı vaxtı ilə saat 23:00-da keçiriləcək.
