Lent.az
"Bayer"in baş məşqçisi Xabi Alonso cari mövsümün sonunda "Real"a keçə biləcəyi ilə bağlı yayılan xəbərlərə münasibət bildirib.
Lent.az xarici mediaya istinadla bildirir ki, Alonso bu barədə danışmağın hələ tez olduğunu deyib:
"Bizim üçün bu (Real Madrid haqqında şayiələr) əhəmiyyətsizdir. Bütün diqqətimizi mövsümün qalan hissəsinə yönəltmişik. Mövsümün hələ bitmədiyini xatırlamaq vacibdir. Daha beş liqa oyunumuz var və bunu xatırlamalıyıq. Gələcək haqqında danışmağa ehtiyac yoxdur. Konsentrasiyanı itirmək pisdir. Bu mövzu indi vacib deyil. Mən spekulyasiya, şayiələr və ya gələcək haqqında çox danışmaq istəmirəm".
Qeyd edək ki, mətbuatda Alonsonun müşavirinin artıq Los Blancos təmsilçiləri ilə danışıqlar apardığı yazılıb. "Bayer" ispan məşqçinin cari mövsümün sonunda klubu tərk edə biləcəyini gözləyir.
Mətbuat dəfələrlə "Real"ın Alonsoya marağı barədə xəbərlər yayıb. Bu söz-söhbətlər "ağ-qaralar" Çempionlar Liqasını 1/4 final mərhələsində tərk etdikdən sonra daha da güclənib. Hazırda İspaniya yığmasının baş məşqçisi Karlo Ançelottinin klubdakı gələcəyinin müəyyənləşmədiyi vurğulanır.
