Report.az
"Toronto"nun oyunçusu Oston Matteyus Milli Hokkey Liqasında (NHL) rusiyalı Aleksandr Oveçkinin nailiyyətini geridə qoyub.
"Report" NHL-in mətbuat xidmətinə istinadən xəbər verir ki, ABŞ-dən olan 27 yaşlı idmançı buna "Baffalo"ya 4:0 hesabı ilə qalib gəldikləri görüşdə fərqlənməklə nail olub.
Beləliklə, o, NHL-də 400-cü qoluna imza atıb və bunu 628-ci matçda bacarıb. Oveçkin bu rəqəmə 634 qarşılaşmada çatmışdı.
Qeyd edək ki, turnirdə rekord 436 oyunda 400 dəfə fərqlənən Ueyn Qretskiyə məxsusdur.
