Idman.biz
İsveçrənin Sankt-Morits şəhərində keçirilən bobsley üzrə Dünya Kuboku mərhələsində qeyri-adi və təhlükəli hadisə yaşanıb.
İdman.Biz xəbər verir ki, ABŞ komandasının dörd nəfərlik ekipajının üç üzvü startdan sonra boba vaxtında yerləşə bilmədikləri üçün ilk döngədə bobsleydən yıxılıblar.
Onlardan birinin başı bora dəyib, digəri taxta konstruksiyaya arxası ilə çırpılaraq trasdan kənara düşüb, üçüncüsü isə bobdan yapışmağa çalışarkən kənara düşüb.
Ekipajın pilotu isə təkbaşına finişə qədər hərəkəti davam etdirib və marşrut boyu borta toxuna-toxuna yarışı başa vurub.
