Idman.biz
Azərbaycan cüdoçusu Turan Bayramov (66 kq) Gürcüstanın paytaxtı Tbilisidə keçirilən Avropa çempionatında növbəti qələbəsini qazanıb.
İdman.biz xəbər verir ki, idmançımız 1/8 final mərhələsində İtaliya təmsilçisi Elios Manzini üzərində qələbə əldə edib.
Daha əvvəl Almaniya cüdoçusu Nikolas Kuntseyə qalib gələn Bayramov bununla 1/4 finala vəsiqə qazanıb.
Digər təmsilçimiz Gültac Məmmədəliyeva (52 kq) isə macarıstanlı idmançı Reka Ruppaya məğlub olaraq turnirlə erkən vidalaşıb.
Qeyd edək ki, Şəfəq Həmidova (48 kq) 1/16 finalda Kosovanı təmsil edən Erza Muminoviçi, Könül Əliyeva isə Niderlandlı Amber Qersyesi məğlub edib. Leyla Əliyeva isə döyüşsüz şəkildə 1/8 finala vəsiqə qazanıb. Xatırladaq ki, Gültac Məmmədəliyeva da daha əvvəl turnirin bu mərhələsinə yüksələrək növbəti mərhələyə vəsiqə əldə edib.
Xatırladaq ki, Avropa çempionatı aprelin 19-da başa çatacaq
11:33
Azərbaycanın daha iki cüdoçusu Gürcüstanın paytaxtı Tbilisidə keçirilən Avropa çempionatına qələbə ilə start verib.
İdman.Biz xəbər verir ki, Şəfəq Həmidova (48 kq) 1/16 finalda Erza Muminoviçi (Kosova) məğlub edib.
Könül Əliyeva (48 kq) isə Amber Qersyesi (Niderland) üstələyib.
Qeyd edək ki, Avropa çempionatı aprelin 19-da başa çatacaq.
11:09
Azərbaycan cüdoçusu Leyla Əliyeva (52 kq) Gürcüstanın Tbilisi şəhərində keçirilən Avropa çempionatında növbəti mərhələyə yüksəlib.
İdman.Biz xəbər verir ki, idmançının 1/16 finaldakı rəqibi serbiyalı Nikolina Nişaviç görüşə çıxmayıb.
Nəticədə L.Əliyeva döyüşsüz şəkildə 1/8 finala vəsiqə qazanıb.
Qeyd edək ki, daha əvvəl Gültac Məmmədəliyeva da turnirin bu mərhələsinə adlamışdı.
Yarış aprelin 19-da yekunlaşacaq.
10:59
Azərbaycan cüdoçusu Gültac Məmmədəliyeva (52 kq) Gürcüstanın paytaxtı Tbilisidə təşkil olunan Avropa çempionatına uğurlu başlayıb.
İdman.Biz xəbər verir ki, təmsilçimiz 1/16 final mərhələsində Lüksemburq idmançısı Karla Tavares Fernandeşlə qarşılaşıb.
Görüşdən qalib ayrılan G.Məmmədəliyeva növbəti mərhələyə yüksəlib.
Qeyd edək ki, bu gün Azərbaycanın yeddi cüdoçusu tatamiyə çıxır. Yarış aprelin 19-da yekunlaşacaq.
09:30
Bu gün Azərbaycan cüdoçuları Gürcüstanın paytaxtı Tbilisidə keçirilən Avropa çempionatında mübarizəyə başlayırlar.
İdman.Biz xəbər verir ki, ilk yarış günündə milli komandanın yeddi üzvü tatamiyə çıxacaq.
Kişilərdən Əhməd Yusifov, Balabəy Ağayev (hər ikisi 60 kq), Turan Bayramov (66 kq), qadınlardan Könül Əliyeva, Şəfəq Həmidova (hər ikisi 48 kq), Leyla Əliyeva, Gültac Məmmədəliyeva (hər ikisi 52 kq) medal qazanmağa çalışacaqlar.
Kişilər
60 kq, 1/8 final
Balabəy Ağayev - Qal Blajiç (Sloveniya) / Andrea Karlino (İtaliya) cütünün qalibi ilə
Əhməd Yusifov - Çarli Eyr (Böyük Britaniya) / Marton Andrasi (Macarıstan) cütünün qalibi ilə
66 kq, 1/16 final
Turan Bayramov - Nikolas Kuntse (Almaniya)
Qadınlar
48 kq, 1/16 final
Könül Əliyeva - Amber Qersyes (Niderland)
Şəfəq Həmidova - Erza Muminoviç (Kosova)
52 kq, 1/16 final
Leyla Əliyeva - Nikolina Nişaviç (Serbiya)
Gültac Məmmədəliyeva - Karla Tavares Fernandeş (Lüksemburq)
Qeyd edək ki, Avropa çempionatı aprelin 19-da başa çatacaq.
