Idman.biz
Avstriyanın Linz şəhərində Cüdo üzrə Qran Pri turniri başlayıb.
İdman.Biz-in məlumatına görə, yarışın ilk günündə üç Azərbaycan idmançısı tatami üzərinə çıxıb.
60 kq çəki dərəcəsində Murad Muradlı turnirə almaniyalı Maksim Taranı məğlub etməklə başlayıb. Daha sonra o, 1/8 finalda macar cüdoçusu Csanad Feckonu məğlub edib. Lakin dörddəbir finalda Azərbaycan cüdoçusu yaponiyalı Sei Satoya uduzub. Bürünc final uğrunda təsəlliverici görüşdə Muradlı Qazaxıstanlı Aman Bakitjana uduzub və mübarizəni dayandırıb.
66 kq çəki dərəcəsində Ruslan Paşayev ikinci raunddan start götürüb. İlk görüşündə israilli Eran Fiksi, daha sonra 1/8 finalda serbiyalı Matiya Yeremiçi məğlub edib. Dörddəbir finalda Paşayev İspaniyalı Adrian Nietto Çinarronu, yarımfinalda isə digər ispaniyalı idmançı David Qarsiya Torneni məğlub edərək turnirin finalına yüksəlib. Finalda Azərbaycan cüdoçusu braziliyalı Ronald Lima ilə qarşılaşacaq. Bu çəki dərəcəsində digər Azərbaycan idmançısı İslam Rəhimov da turnirə ikinci raunddan qatılıb, lakin ilk görüşündə italiyalı Alessio De Lukkaya uduzaraq turnirdəki iştirakını dayandırıb.
09:44
Bu gün Avstriyanın Linz şəhərində cüdo üzrə Qran-Pri turniri start götürəcək.
İdman.Biz xəbər verir ki, yarışın ilk günündə Azərbaycan millisinin üç üzvü iki çəki dərəcəsində tatamiyə çıxacaq.
Kişilər arasında 60 kq çəki dərəcəsində mübarizəyə 1/8 finaldan qoşulacaq Murad Muradlı Almaniya təmsilçisi Maksim Taran ilə üz-üzə gələcək.
66 kq çəki dərəcəsində isə Ruslan Paşayev 1/16 final mərhələsində Eran Fiks (İsrail) – Yusuf Nurkoviç (Monteneqro) cütünün qalibi ilə qarşılaşacaq.
Bu çəkidə digər təmsilçimiz İslam Rəhimov da mübarizəyə 1/16 finaldan başlayacaq. O, Andreas Prokop (Avstriya) – Alessio De Luka (İtaliya) cütünün qalibi ilə tatamiyə çıxacaq.
