Idman.biz
Cüdo üzrə dünya çempionatında uğursuz çıxış edən Hidayət Heydərov (73 kq) sosial şəbəkə hesabında paylaşım edib.
İdman.biz xəbər verir ki, o, məğlubiyyətin uğura gedən yolun bir hissəsini olduğunu bildirib.
Hidayətin paylaşımında yazılıb: "Tatamiyə 11 aydan sonra qayıtdım. Bu, sadəcə dönüş deyil, yola davamdır. Məqsədim aydındır: yenə zirvəyə qalxmaq. Uduzmaq da bu yolun bir hissəsidir. Amma unutmayın: mən burdayam və qələbə yenə gələcək. Sözlə yox, əməllə danışacağam".
Qeyd edək ki, Budapeştdə keçirilən dünya çempionatında Olimpiya çempionumuz 1/16 finalda ilk döyüşdə Otari Kvantidzeyə (Portuqaliya) uduzub.
İdman.biz
