Sport24.az
Azərbaycanın daha 3 cüdoçusu Macarıstanın paytaxtı Budapeştdə keçirilən dünya çempionatında bu gün mübarizəyə başlayacaq. Sport24.az xəbər verir ki, üçüncü yarış günündə Fidan Əlizadə (57 kq), olimpiya, dünya, Avropa çempionu Hidayət Heydərov və Rəşid Məmmədəliyev (hər ikisi 73 kq) tatami üzərinə çıxacaqlar.
Fidan Əlizadə serbiyalı Mariya Perişiçlə üz-üzə gələcək. Heydərov Portuqalianı təmsil edən Otari Kvantidze ilə qarşılaşacaq. Rəşid Məmmədəliyev isə BƏƏ-nin bayrağı altında çıxış edən Kazbek Naquçev və italiyalı Covanni Espozito cütünün qalibi ilə güləşəcək. Hər üç idmançı mübarizəyə 1/16 final mərhələsindən start verəcək.
Qeyd edək ki, mundialda Azərbaycanı 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında da mübarizə aparacaq. Cüdoçularımız medal əldə etməyiblər.
