Idman.biz
Bu gün Monqolustanın paytaxtı Ulan-Batorda cüdo üzrə "Böyük Dəbilqə" turnirinə start verilib.
İdman.biz xəbər verir ki, Azərbaycan millisinin hər üç idmançısı ilk yarış günündə tatamiyə çıxıb. Onlar turnirlə mükafatsız vidalaşıblar.
Kişilər
60 kq
Balabəy Ağayev 1/8 finalda Mendsayxan Nyamsureni (Monqolustan) məğlub etsə də, ardınca Hayato Kondoya (Yaponiya) uduzub.
Turan Bayramov da "Böyük Dəbilqə"yə qələbə ilə başlayıb. Sumiyabazar Enxtayvanı (Monqolustan) mübarizədən kənarlaşdıran təmsilçimiz 1/4 finalda Mehrzod Sufiyevlə (Tacikistan) bacarmayıb.
Ağayevlə Bayramov təsəlliverici görüşdə bir-birinə rəqib olublar. Ulan-Batorda Azərbaycan duelindən Turan qalib ayrılıb. O, bürünc medal uğrunda İznaur Saayevlə (AİN) gücünü yoxlayıb. Bayramov məğlub olduğundan 5-ci yeri tutub.
66 kq
Elşən Əsədov Cantsandorj Unurbat (Monqolustan), ardınca Boqdan Yadova (Ukrayna) qalib gəlsə də, 1/4 finalda Baurjan Narbayevə (Qazaxıstan) uduzub. O, təsəlliverici görüşdə Jihyuk Yanqla (Cənubi Koreya) qarşılaşıb və rəqib güclü olub. Əsədov "Böyük Dəbilqə"ni 7-ci yerdə bitirib.
Qeyd edək ki, yarış 3 gün davam edəcək.
İdman.biz
