Idman.biz
Hazırda Rusiyanın "Lokomotiv" hokkey klubunda çıxış edən kanadalı Bayron Freyz karyerasının çətin dönəmində həyat yoldaşının ona verdiyi dəstəkdən danışıb.
İdman.Biz xəbər verir ki, o bu barədə öz ölkəsinin mətbuatına verdiyi açıqlamada dilə gətirib.
Kanadalı hokkeyçi bildirib ki, peşəkar səviyyədə üçüncü mövsümündən sonra karyerası istədiyi kimi getməyib. Həmin vaxt tibb bacısı işləyən həyat yoldaşı Freyzdən daha çox qazanıb. Bu səbəbdən o, hokkeyi atmaq və başqa sahəyə keçmək barədə düşünüb.
Lakin həyat yoldaşı ona daha bir il özünü sınamağı və mübarizəni davam etdirməyi məsləhət görüb. Freyz həmin bir il ərzində üçüncü səviyyəli liqadan NHL-ə qədər yüksəlib.
O vurğulayıb ki, həyat yoldaşının dəstəyi olmasaydı, çoxdan hokkeydən ayrılarmış:
"Onsuz mən çoxdan hokkeyi atmış və başqa bir işə keçmişdim, amma o, həmişə mənə böyük dəstək olub".
