Sport24.az
"Sabah"ın UEFA Çempionlar Liqasında əsas mərhələyə vəsiqə qazanmaq ehtimalı açıqlanıb. Sport24.az xəbər verir ki, bu barədə "Football Meets Data" məlumat yayıb.
Azərbaycan çempionunun pley-off mərhələsində İsrailin "Hapoel" (Beer-Şeva) komandası ilə dueldə əsas mərhələyə yüksəlmək şansı 48 faiz qiymətləndirilib.
Rəqibin şansı isə cəmi 4 faiz fərqlə daha yüksək göstərilib. Belə ki, "Hapoel"in növbəti mərhələyə adlamaq ehtimalı 52 faizdir.
Bu rəqəmlər qarşılaşmanın kifayət qədər balanslı keçəcəyini göstərir. Başqa sözlə, "Sabah"ı əsas mərhələdən cəmi iki oyun ayırır və "bayquşlar"ın şansları rəqibindən o qədər də geri deyil. İki matçın nəticəsi Azərbaycan çempionunun tarixində yeni səhifə açıb-açmayacağını müəyyənləşdirəcək.
Qeyd edək ki, "Sabah"ın bu komanda ilə ilk oyunu avqustun 19-da Rumıniyanın paytaxtı Buxarestdə keçiriləcək. Buna səbəb UEFA-nın İsraildə beynəlxalq oyunların təşkilinə icazə verməməsidir. Cavab görüşü isə avqustun 25-də Tofiq Bəhramov adına Respublika stadionunda baş tutacaq.
