Idman.biz
Ekvador polisi Kolumbiya sərhədi yaxınlığında, Panamerika magistralında saxlanılan yük maşınından 469 kiloqram kokain müsadirə edib.
İdman.Biz xəbər verir ki, "Associated Press"in məlumatına görə, narkotik maddələrin qablaşdırılmasının üzərində norveçli futbolçu Erlinq Holandın təsviri olan stikerlər yerləşdirilib.
Narkotiklərlə mübarizə idarəsinin əməkdaşları çərşənbə axşamı səhər saatlarında anonim məlumat aldıqdan sonra əməliyyat keçiriblər. İkiqat döşəmə ilə təchiz edilmiş yük maşınının içərisində narkotik maddə olan 370 bağlama aşkarlanıb.
Avtomobilin sürücüsü saxlanılıb.
Polis narkotiklərin üzərində məhz Halandın təsvirinin niyə istifadə edildiyini açıqlamayıb.
Mənbə yazır ki, narkotik alverçiləri yüklərin konkret cinayətkar şəbəkəyə məxsus olduğunu göstərmək üçün partiyalarını tanınmış idmançıların və məşhurların adları və təsvirləri ilə markalamaqdan tez-tez istifadə edirlər.
