Idman.biz
Amerikalı UFC döyüşçüsü Xoakin Bakli avstraliyalı Cek Della Maddalenanın rusiyalı İslam Mahaçevə titul döyüşündə uduzmasından sonra göz yaşları tökdüyünü söyləyib.
İdman.Biz xəbər verir ki, o, Mahaçevin qələbəsinin diviziyanın inkişafını "ləngidə" biləcəyini qeyd edib. Çünki, Baklinin fikrincə, yeni çempion oktaqona nadir hallarda çıxır.
"Onun məğlubiyyətindən sonra ağladım! Maddalenanın qalib gəlməsini istəyirdim. Bilirdim ki, Mahaçev qalib gəlsə, divizionumuzda hər şey yavaşlayacaq. Mən həmişə Cekə azarkeşlik etmişəm, çünki o, əsl döyüşçüdür. UFC çağırır və o, heç vaxt heç kimi rədd etmir. İslam fərqli bir hekayədir, o, öz strategiyasına uyğun hərəkət edir. Mən Cekin qalib gəlməsini istəyərdim, amma qalib gələn odur", - Bakli YouTube kanalı "Submission Radio"ya verdiyi müsahibədə bildirib.
Mahaçev və Maddalena arasında yarımorta çəkidə titul döyüşü noyabr ayında Nyu-Yorkda UFC 322-də baş tutub. Rus idmançı yekdil qərarla qalib gələrək rekordunu 28 qələbə və bir məğlubiyyətə çatdırıb.
