Idman.biz
Orta çəkidə "Misfits Boxing" titulunu qazanan keçmiş UFC döyüşçüsü Toni Ferqyuson 2025-ci ili çempionluqla başa vurub.
İdman.Biz xəbər verir ki, 41 yaşlı amerikalı döyüşçü Dubayda təşkil olunan "Misfits Mania" turnirində Uorren Spenser üzərində hakimlərin yekdil qərarı ilə qələbə qazanıb - 49:45, 49:45, 48:46.
Görüş ərzində Ferqyuson aqressiv üslub nümayiş etdirərək rəqibini daim pressinq altında saxlayıb. İkinci raundda uğurlu kombinasiyadan sonra Spenser nokdauna düşüb. Dördüncü raundda rəqib bədənə bir neçə dəqiq zərbə endirsə də, Ferqyuson toparlanaraq son beş dəqiqəlik hissədə tam üstünlük qurub.
