Lent.az
12 oktyabrda Rio-de-Janeyroda keçiriləcək UFC Fight Night 261 turnirində gecənin əsas döyüşündə braziliyalı, yüngül çəki dərəcəsinin sabiq çempionu Çarls Oliveira və azərbaycanlı döyüşçü Rafael Fiziyev üz-üzə gəlməli idilər.
Lent.az xəbər verir ki, Fiziyevin zədə səbəbindən turnirdən çəkildiyi məlum olub.
Yüngül çəki dərəcəsinin reytinqində 10-cu pillədə olan döyüşçü bu qərarını şərh edib və aldığı zədə barədə ətraflı məlumat verib:
"Çoxları məndən soruşur ki, nə baş verdi və niyə döyüşə çıxmayacam?. Mən yenidən dizimi zədələdim, amma əməliyyata ehtiyac yoxdur. Buna baxmayaraq, özümü 100% gücə sala, məşq edə, güləşə və sparrinqlərə çıxa bilmirəm. İndi mənə döyüşə qayıtmazdan əvvəl bərpa üçün bir neçə ay lazımdır", – Fiziyev sosial şəbəkələrdə paylaşıb.
Azərbaycanlı idmançının əvəzinə Çarls Oliveira ilə divizionun reytinqində 8-ci pillədə olan polyak Mateuş Qamrot döyüşəcək.
