Idman.biz
Azərbaycanlı UFC döyüşçüsü Rafael Fiziyev yüngül çəkidən yarımyüngül çəkiyə keçməyi düşünmədiyini bildirib. Halbuki daha əvvəl bunun mümkünlüyünü demişdi.
İdman.biz xəbər verir ki, Bakıda keçirilən UFC turnirində İqnasio Bahamondes ilə döyüşdə inamlı qələbədən sonra Fiziyev yüngül çəki divizionunda çıxışlarını davam etdirmək qərarına gəlib.
"Low Kick MMA" Fiziyevin sözlərini belə təqdim edib: "İndi daha çox çəki yığmışam, əzələlərim bərpa olunub. Yaxşı hazırlıqdan sonra əzələlərim böyüyüb. Bu halda yarımyüngül çəkiyə keçə bilmərəm. Yüngül çəki mənim üçün yaxşı seçimdir.
Karyeram boyunca mənimlə döyüşə razılıq verən cəmi bir-iki idmançı olub. Birinci – Rafael dos Anyos, ikinci – Castin Qetji. Hər ikisinə zəng etdim və dedilər: "Bəli, bu döyüşü təşkil edək". Digərləri ilə isə hər zaman belə olub: kiməsə zəng edirəm, UFC mənə başqa birini təklif edir. Den Hukerə də zəng etmişəm – əgər hazırdırsa, mən də döyüşə hazıram. Dariuş… Hazırda kim döyüşsüzdür, bilmirəm. Qamrot… Kim hazırdırsa, UFC mənə təklif etsə, böyük məmnuniyyətlə döyüşərəm. Amma indi konkret ad çəkə bilmərəm, məsələn, "bax, bununla döyüşmək istəyirəm" deyə bilmərəm".
İdman.biz
