Idman.biz
UFC-də reytinqində yüngül çəkidə səkkizinci olan polşalı Mateuş Qamrot 35 yaşlı keçmiş UFC çempionu braziliyalı Çarlz Oliveyra ilə qarşıdakı döyüşü haqqında fikirlərini bölüşüb.
İdman.biz bildirir ki, onların döyüşü oktyabrın 12-də Braziliyanın Rio-de-Janeyro şəhərində "UFC Fight Night 261"də baş tutacaq.
"Oliveyra, şübhəsiz ki, yüngül çəkidə ən böyük döyüşçülərdən biridir, lakin mən bu döyüşə tam hazıram. Mən onunla parterdə güləşməkdən və ya ayağına yumruq atmaqdan qorxmuram. Mən heç bir təzyiq altında deyiləm. Tanrı mənə özümü sübut etmək imkanı verib. Rioya gedirəm və onun reytinqdəki yerini tutmaq istəyirəm", - Qamrot deyib.
