Idman.biz
NHL-də çıxış edən hücumçu Aleksandr Oveçkin növbəti dəfə oyun zamanı üz nahiyəsindən zərbə alaraq dişini itirib.
İdman.Biz xəbər verir ki, insident oyunun gedişində "Vaşinqton"un hücumçusuna qarşı "Sent-Luis"in müdafiəçisi Krevyerin kobud hərəkətindən sonra baş verib.
Zərbədən sonra Oveçkinin daha bir dişi sındığı halda, epizod hakimlər tərəfindən qayda pozuntusu kimi qiymətləndirilməyib və cəza təyin olunmayıb.
Hadisə sosial şəbəkələrdə də geniş müzakirələrə səbəb olub. Azarkeşlər həm sərt kontakta, həm də referilərin epizoda müdaxilə etməməsinə etiraz ediblər.
Qeyd edək ki, Oveçkin karyerası ərzində dəfələrlə sərt fiziki toqquşmalar nəticəsində üz və diş nahiyəsindən xəsarətlər alıb və bu səbəbdən onun "xokkeyçi təbəssümü" artıq NHL azarkeşləri üçün simvolik hal alıb.
