Idman.biz
Yüngül çəkidə (70 kq) UFC-nin keçmiş çempionu braziliyalı Çarls Oliveyra həmyerlimiz Rafael Fiziyevi məğlub edəcəyi təqdirdə kiminlə döyüşmək istədiyini açıqlayıb.
İdman.biz xəbər verir ki, amerikalı Maks Hollouey ilə revanş döyüşü keçirmək istədiyini bildirib.
Oliveyranın sözlərinə görə, hamı bu döyüşü görmək istəyir: "Bu, mütləq baş verəcək. İnsanların nə dediyi vecimə deyil. Hamı bilir ki, mən zədəli idim. İki gün xəstəxanada qaldım və ora səbəbsiz düşməmişdim. Amma bu, oyunun bir hissəsidir. Maks əla döyüşçüdür və BMF kəmərinin sahibidir".
Qeyd edək ki, oktyabrın 12-də UFC Fight Night 261 turniri çərçivəsində Braziliyanın Rio-de-Janeyro şəhərində Oliveyra azərbaycanlı döyüşçü Rafael Fiziyevlə qarşılaşacaq.
İdman.biz
