Idman.biz
MMA ictimaiyyəti iyunun 21-də Bakıda keçiriləcək UFC turnirində yaponiyalı Kyoci Horiquçi ilə rusiyalı Tagir Ulanbekov arasında baş tutacaq döyüşdə qüvvələr nisbətini dəyərləndirib.
İdman.biz xəbər verir ki, bu qarşılaşma ən yüngül çəki dərəcəsində turnirin ən maraqlı döyüşlərindən biri kimi təqdim olunur.
"Mixfight" UFC azarkeşlərinin Horiquçini 2013-cü ilin payızından etibarən liqadakı titul döyüşlərindən xatırlamalı olduqlarını yazır: "Ümumilikdə, yaponiyalı idmançı Dana Uaytın liqasında 8 döyüş keçirib və onların yeddisində qalib gəlib. 2017-ci ildə UFC-dən ayrılan Horiquçi "Rizin" təşkilatına keçib və vaxtaşırı "Bellator"da da özünü göstərməyə çalışıb. Bu iki liqada ümumilikdə 19 döyüş keçirib və xüsusilə "Rizin"də uğurlu çıxışı ilə seçilib. Onun "Rizin"dəki statistikası 14 qələbə və cəmi 1 məğlubiyyətdən ibarətdir. Bundan başqa, o, həm "Rizin", həm də "Bellator"da yüngül çəki dərəcəsində çempion ola bilib".
Öz növbəsində, Ulanbekov UFC-də 6 döyüş keçirib və onların 5-də qalib gəlib: "Horiquçi ilə döyüş, demək olar ki, Ulanbekovun karyerasında ən çətin sınaqlardan biri olacaq. Yaponiyalı Bakı turniri ərəfəsində əla formadadır, baxmayaraq ki, artıq 34 yaşı var".
İdman.biz
