Idman.biz
Ötən həftəsonu ABŞ-ın Nyuark şəhərində baş tutan UFC 316 turnirindən sonra döyüş promouteri UFC-nin reytinqləri yenilənib.
İdman.biz xəbər verir ki, yüngül çəki dərəcəsində (61 kq) dünya çempionu olan gürcü Merab Dvalişvili amerikalı Şon O'Malli ilə revanş döyüşündəki qələbəsindən sonra təşkilatın ən yaxşı döyüşçülərinin siyahısında ikinci yerə yüksəlib.
UFC "Pound-for-Pound" (çəkidən asılı olmayan) reytinqi:
1. İslam Maxaçev (Rusiya)
2. Merab Dvalişvili (Gürcüstan)
3. Con Cons (ABŞ)
4. İliya Topuriya (Gürcüstan)
5. Drikus du Plessis (Cənubi Afrika)
6. Maqomed Ankalaev (Rusiya)
7. Aleksandr Volkanovski (Avstraliya)
8. Cek Della Maddalena (Avstraliya)
9. Aleks Pereyra (Braziliya)
10. Aleksandr Pantoja (Braziliya)
Dvalişvili və UFC-nin keçmiş yarımorta çəki çempionu amerikalı Belal Muhammad Bakıda keçiriləcək UFC turnirinin ulduz qonaqları olacaqlar.
Turnir iyun 21-də "Baku Crystal Hall"da keçiriləcək.
Bakıda UFC gecəsinin əsas qarşılaşması keçmiş UFC yarımağır çəki çempionu Camaal Hill ilə bu titul uğrunda mübarizə aparmış Xalil Rauntree arasında olacaq.
Gecənin ikinci əsas döyüşü isə yüngül çəkidə həmyerlimiz Rafael Fiziyev ilə İqnasio Bahamondes (Çili) arasında baş tutacaq.
Turnirdə Azərbaycanın digər təmsilçiləri Nazim Sadıxov və Tofiq Musayev də oktagona çıxacaqlar. Onların rəqibləri, müvafiq olaraq, braziliyalı Nikola Motta və qırğızıstanlı Mıktıbek Orolbay olacaq.
İdman.biz
