Idman.biz
Keçmiş UFC çempionu Holli Holm boks üzrə dünya çempionluğu uğrunda döyüşdə məğlub olub.
İdman.Biz xəbər verir ki, San-Xuanda (Puerto-Riko) keçirilən peşəkar boks gecəsində WBA versiyası üzrə yüngül çəkidə (61,2 kq-a qədər) amerikalı çempion Stefani Han keçmiş UFC çempionu həmvətəni Holli Holm ilə qarşılaşıb.
Yeddinci raundda döyüş başların istəmədən toqquşması səbəbindən dayandırılıb. Hakim protokollarının hesablanmasından sonra Han yekdil hakim qərarı ilə qalib elan edilib – 69:65, 69:64, 68:65.
44 yaşlı Holm peşəkar rinqdə debütünü 2002-ci ildə edib, 2013-cü ildə karyerasını başa vurub və 12 il fasilədən sonra 2025-ci ildə yenidən boksa qayıdıb.
