Idman.biz
Amerikalı döyüşçü Halil Rauntri Bakıdakı UFC gecəsində oktaqona "Ты кто такой, давай, до свидания" meyxanasının sədaları altında çıxacaq.
İdman.biz xəbər verir ki, o, Camal Hillə qarşılaşacaq.
Rauntri bu barədə azərbaycanlı boksçu Nazim Sadıxovun bu gün keçirilən çəkilişi zamanı bildirib. İntiqam Rüstəmovun müəllifi olduğu "Ты кто такой, давай, до свидания" meyxanası keçmiş SSRİ məkanında kifayət qədər populyardır.
Ötən həftə Bakıya gələn Halil Bakının tarixi və görməli hissələrində gəzintiyə çıxıb. O, Şirvanşahlar sarayını ziyarət edib, Qız qalasına qalxıb, həmçinin Azərbaycan xalçaçılıq sənəti ilə tanış olub. Boksçu gəzinti ilə bağlı sosial şəbəkə hesabında müxtəlif paylaşımlar edib.
Qeyd edək ki, Bakıdakı UFC gecəsinin əsas qarşılaşması keçmiş UFC yarım ağır çəki çempionu Camal Hill ilə Xalil Rauntri arasında baş tutacaq. Həmin gecənin ikinci ən vacib döyüşü isə həmyerlimiz Rafael Fiziyev ilə Çili təmsilçisi İqnacio Baxamondes arasında yüngül çəkidə keçiriləcək. Turnir çərçivəsində, həmçinin Azərbaycan təmsilçiləri Nazim Sadıxov və Tofiq Musayev də oktaqona çıxacaqlar. Onların rəqibləri isə müvafiq olaraq, braziliyalı Nikolas Motta və qırğızıstanlı Mıqtıbek Orolbay olacaq.
İdman.biz
