Idman.biz
Nigeriyada baş verən ölümcül qəza zamanı keçmiş dünya çempionu Entoni Coşuanın sürücüsü olan 46 yaşlı Adeniyi Mobolaji Kayode cümə günü, 2 yanvar tarixində Saqamu Magistrat Məhkəməsində ittiham olunub.
İdman.Biz bunu BBC-yə istinadən məlumat verir.
Məqalədə deyilir: "Polis mənbələri BBC-yə bildirib ki, ittihamlar arasında təhlükəli sürücülük yolu ilə səhlənkarlıq nəticəsində ölümə səbəb olmaq da var".
Qəza keçmiş dünya çempionu Entoni Coşuanın dostları ilə birlikdə ölkəyə tətilə gəldikdən sonra Laqos-İbadan magistral yolunda baş verib. Onun idarə etdiyi Lexus SUV hərəkətsiz vəziyyətdə olan yük maşınına çırpılıb.
Daha əvvəl Coşuanın mərhum məşqçilərinin cəsədlərinin Böyük Britaniyaya aparıldığı bildirilib.
