Idman.biz
Bloqçu və boksçu Ceyk Pol keçmiş dünya çempionu Entoni Coşua ilə döyüşdən sonra sınmış çənəsinin fotosunu paylaşıb.
İdman.Biz xəbər verir ki, döyüş 20 dekabr gecəsi ABŞ-ın Mayami şəhərində baş tutub və keçmiş çempionun altıncı raundda nokautla qələbəsi ilə başa çatıb.
Pol zədəsinə baxmayaraq, yenə döyüşmək həvəsində olduğunu bildirib: "İkiqat çənə sınığı. 10 gündən sonra Kanelonu mənə verin".
O, əməliyyat olunduğunu da əlavə edib: "Əməliyyatdan yeni çıxdım. Hər şey yaxşı keçdi. Çənəmin hər iki tərəfinə iki titan lövhə qoydular. Bir neçə diş çəkdirdilər. Dəstəyiniz üçün təşəkkür edirəm. Çox ağrı və sərtlik hiss edirəm. Növbəti həftə maye qəbul edəcəyəm. Mayami Universitetinin gözəl komandasına böyük təşəkkür edirəm. Hamı çox mehriban və qayğıkeş idi", - deyə Pol sosial media səhifəsində yazıb.
