Sport24.az
Bu gün Azərbaycan Basketbol Liqasında (ABL) pley-in mərhələsinin ikinci oyunlarına start veriləcək. Sport24.az xəbər verir ki, ilk oyun günündə iki qarşılaşma baş tutacaq.
Günün ilk qarşılaşması Şəki Olimpiya İdman Kompleksində baş tutacaq. Bölgənin eyniadlı təmsilçisi "Quba"nı qəbul edəcək. Oyun saat 14:00-da başlayacaq. Komandalar arasında baş tutan ilk oyunda "Şəki" 101:89 hesablı qələbə qazanıb.
Günün ikinci görüşü isə "Sərhədçi" İdman Mərkəzində, saat 20:00-da start götürəcək. "Sərhədçi" "Naxçıvan"la üz-üzə gələcək. Tərəflər arasında baş tutan ilk oyunda "Naxçıvan" rəqibini 98:87 hesabı ilə üstələyib.
Qeyd edək ki, pley-in mərhələsinin ikinci oyunları aprelin 7-də yekunlaşacaq.
