Idman.biz
Mingəçevir şəhərində "Kürü keçək" açıq suda üzmə yarışı başa çatıb.
İdman.biz xəbər verir ki, Azərbaycan Ordusunun rəşadətli Zəfərinin 5 illiyinə həsr olunan turnirdə yer tutan idmançılar mükafatlandırılıb.
Fəxri kürsüyə yüksələn idmançılara medal və diplomları gənclər və idman naziri Fərid Qayıbov, idman şöbəsinin sədri Elnur Məmmədov, Azərbaycan Üzgüçülük Federasiyasının prezidenti Zaur Əliyev, vitse-prezidenti Xaliq İldırımzadə təqdim ediblər.
Qeyd edək ki, ilk dəfə açıq suda üzmə yarışı 2022-ci ildə Xəzər dənizində ("Xəzər dalğası"), 2022-ci ildən isə Mingəçevirdə Kür çayında ("Kürü keçək") təşkil olunub.
*****
14:23
Mingəçevirdə "Kürü keçək?!" adlı açıq suda üzmə yarışı başlayıb.
İdman.biz xəbər verir ki, ənənəvi kütləvi üzmə yarışı Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə keçirilir.
Mingəçevir şəhərində, Kür çayının iki sahili arasında baş tutan "Kürü keçək?!" adlı yarış rəşadətli Azərbaycan Ordusunun Zəfərinin 5 illiyinə həsr olunub.
Sayca 4-cü dəfə təşkil edilən yarışda ölkənin bütün şəhər və rayonlarından üzmə bacarığına malik, 12 yaşdan yuxarı şəxslər iştirak edirlər. İştirakçılar hazırlıq səviyyəsinə uyğun olaraq iki əsas kateqoriya üzrə mübarizə aparırlar.
"Peşəkarlar" kateqoriyasında 1050 metr, "Həvəskarlar" yarışında isə 350 metrlik məsafə qət ediləcək. Yarışlar 12-17, 18-23, 24-35, 36-55, 56-70 və 70+ yaş kateqoriyaları üzrə keçirilir. Ən yaşlı iştirakçının isə 79 yaşı var.
Bu il ilk dəfə olaraq yarışda 700 metr məsafəyə estafet yarışı da təşkil ediləcək.
İdman.biz
