Lent.az
İtaliyalı üzgüçülər Kiara Tarantino və Benedetta Pilato Sinqapur hava limanında ətir oğurluğunda şübhəli bilinərək saxlanılıblar.
Lent.az xarici mediaya istinadla bildirir ki, avqustun 15-də idmançılar dünya çempionatı və Balidə istirahətdən sonra vətənə qayıdırmışlar. Lakin təyyarəyə minməzdən əvvəl polis onları saxlayıb.
Tarantino və Pilato mağazadan ödəniş etmədən parfümeriya çıxarmaqda ittiham olunublar. Videomüşahidə kamerasının görüntülərində Tarantinonun malları Pilatonun çantasına qoyduğu görünür.
İtaliyanın Sinqapur səfirliyinin müdaxiləsi sayəsində vəziyyət həll olunub: idmançılara sənədləri qaytarılıb və onları sadəcə xəbərdarlıq etməklə evlərinə buraxıblar.
Qeyd edək ki, Tarantino 2021-ci ildə Avropa çempionatında estafet üzrə bürünc medal qazanıb. Pilato isə həmin ildə 50 metr brassda Avropa çempionu olub.
