Report.az
Paragüllə atıcılarımız dünya çempionatına 2 lisenziya qazanıblar.
Bu barədə "Report"a Milli Paralimpiya Komitəsindən məlumat verilib.
Serbiyanın Novi Sad şəhərində keçirilən Beynəlxalq Qran-pridə iştirak edən Kamran Zeynalov və Aybəniz Babayeva göstərdikləri yüksək nəticələr sayəsində dünya çempionatına lisenziya əldə ediblər.
10 metr məsafədən atəş açmada (P1) K.Zeynalov qızıl meda qazanıb, 50 metr məsafədə (P4) isə 4-cü yeri tutub. Paris-2024 Yay Paralimpiya Oyunlarının iştirakçısı olan Aybəniz Babayeva isə yarışı müvafiq olaraq 4-cü və 8-ci pillələrdə başa vurub.
Qeyd edək ki, dünya çempionatı bu il 25 oktyabr-5 noyabr tarixlərində Birləşmiş Ərəb Əmirliklərinin Dubay şəhərində keçiriləcək.
Milli Paralimpiya Komitəsi Paragüllə atıcılığı qran-pri
