Idman.biz
Azərbaycanın yunan-Roma güləşi üzrə U-17 millisinin üzvü Xədicə Qurbanzadə (49 kq) Bolqarıstanın Samakov şəhərində keçirilən Avropa çempionatında növbəti görüşünə çıxıb.
İdman.Biz bildirir ki, Xədicə Qurbanzadə yarımfinalda almaniyalı Mədinə Bayramovaya 5:1 hesabıyla qalib gələrək U17 Avropa çempionatının finalına yüksəlib.
15:19
Azərbaycanın yunan-Roma güləşi üzrə U-17 millisinin üzvü Xədicə Qurbanzadə (49 kq) Bolqarıstanın Samakov şəhərində keçirilən Avropa çempionatında növbəti görüşünü keçirib.
İdman.Biz xəbər verir ki, idmançımız 1/4 finalda Finlandiyadan olan Kerttu Helmi Uşanoffanı 10:0 hesabı ilə tam üstünlüklə məğlub edib.
Bununla da Xədicə Qurbanzadə yarımfinal mərhələsinə yüksəlib.
Qeyd edək ki, yarış mayın 17-də başa çatacaq.
13:39
Azərbaycanın yunan-Roma güləşi üzrə U-17 millisinin üzvü Xədicə Qurbanzadə (49 kq) Bolqarıstanın Samakov şəhərində keçirilən Avropa çempionatında çıxış edib.
İdman.Biz xəbər verir ki, idmançımız 1/8 finalda Polşadan olan Zuzanna Ptakı 10:0 hesabı ilə tam üstünlüklə məğlub edib.
Təmsilçimiz X.Qurbanova 1/4 finala yüksəlib.
12:52
Azərbaycanın yunan-Roma güləşi üzrə U-17 millisinin üzvləri Bolqarıstanın Samakov şəhərində keçirilən Avropa çempionatında mübarizəni davam etdiriblər.
İdman.Biz xəbər verir ki, Nuray Həsənli (65 kq) 1/8 finalda Türkiyədən Bade Doğana 0:11 hesabı ilə məğlub olub.
Elmir Çərkəzov (60 kq) isə ikinci təsəlliverici görüşdə Moldovadan Vlad Duminika qarşısında 0:8 hesabı ilə uduzub.
12:11
Azərbaycanın yunan-Roma güləşi üzrə U-17 millisinin üzvləri Bolqarıstanın Samakov şəhərində keçirilən Avropa çempionatında mübarizə aparıblar.
İdman.Biz xəbər verir ki, Hüseyn Mustafazadə (51 kq) təsəlliverici görüşdə İsveçrədən Tristan Berneti 9:0 hesabı ilə tam üstünlüklə məğlub edərək bürünc medal uğrunda qarşılaşmaya vəsiqə qazanıb.
Elmir Çərkəzov (60 kq) da ilk təsəlliverici görüşündə Avstriyadan Lionel Vinteri 9:0 hesabı ilə üstələyib.
Məryəm Əmrəli (57 kq) isə təsnifat mərhələsində İtaliyadan Sara Servediyoya 2:8 hesabı ilə məğlub olub.
11:15
Bu gün Azərbaycanın yunan-Roma güləşi üzrə U-17 millisinin üzvləri Bolqarıstanın Samakov şəhərində keçirilən Avropa çempionatının üçüncü günündə mübarizəyə qoşulacaqlar.
İdman.Biz xəbər verir ki, yarışda təmsilçilərimiz müxtəlif mərhələlərdə güclərini sınayacaqlar.
Təsəlli görüşündə Hüseyn Mustafazadə (51 kq) İsveçrədən Tristan Bernetlə, Elmir Çərkəzov (60 kq) isə Avstriyadan Lionel Rijon Vinterlə üz-üzə gələcək.
Təsnifat mərhələsində Məryəm Əmrəli (57 kq) İtaliyadan Sara Servedio ilə qarşılaşacaq.
1/8 finalda isə Xədicə Qurbanzadə (49 kq) Polşadan Zuzanna Maja Ptakla, Nuray Həsənli (65 kq) isə Türkiyədən Bade Su Doğanla gücünü sınayacaq.
Qeyd edək ki, yarış mayın 17-də başa çatacaq.
