Idman.biz
"Mançester Siti" Rodrinin mümkün gedişi halında "Liverpul"un yarımmüdafiəçisi Aleksis Makallisteri namizəd siyahısına daxil edib.
İdman.Biz bu barədə "talkSPORT"a istinadən məlumat verir.
Mənbənin məlumatına görə, argentinalı oyunçu bu yay "Siti" klubu üçün Enso Fernandes ("Çelsi") və Adam Uorton ("Kristal Palas") kimi digər potensial hədəflərlə müqayisədə daha əlverişli seçim ola bilər. Qeyd olunur ki, "Mançester Siti" hələ də Mak Allisteri transfer etmək üçün "Liverpul"la əlaqə saxlamayıb.
Rodrinin "Barselona"ya 55 milyon funt sterlinq (64,3 milyon avro) dəyərində transferi üçün yaxın günlərdə razılaşma əldə edilməsi gözlənilir.
Ötən mövsüm Makallister bütün yarışlarda 55 oyunda iştirak edib, beş qol vurub və yeddi məhsuldar ötürmə edib. Onun klubla hazırkı müqaviləsi 2028-ci ilin yayına qədərdir. Transfermarkt portalında verilən məlumata görə, futbolçunun bazar dəyəri 70 milyon avrodur.
