Idman.biz
Niderlandın "NEC Neymegen" və Yunanıstanın "Olimpiakos" komandaları arasında 2026/27 mövsümü UEFA Çempionlar Liqasının üçüncü təsnifat mərhələsinin cavab oyunu başa çatıb.
İdman.Biz bildirir ki, matç 2:1 hesabı ilə Niderland klubunun xeyrinə qurtarıb. İlk oyunda komandalar qol vura bilməmişdilər.
46-cı dəqiqədə Əyub Əl Kaabi yunanıstanlıları irəli çıxarıb, 70-ci dəqiqədə Brayan Linsen hesabı bərabərləşdirib. 80-ci dəqiqədə Yunanıstan komandasından Kostas Fortunis meydandan qovulub. Əsas vaxt 1:1 başa çatıb, əlavə vaxtın 95-ci dəqiqəsində Emre Mor qələbə qolunu vurub.
Beləliklə, "NEC Neymegen" tarixində ilk dəfə Çempionlar Liqasının pley-off mərhələsinə yüksəlib. Turnirin növbəti mərhələsində komanda Norveç təmsilçisi "Bodø-Qlimt" ilə qarşılaşacaq. İlk oyun 19 avqustda, cavab oyunu isə 25 avqustda keçiriləcək. "Olimpiakos" Avropa Liqasının əsas mərhələsində oynayacaq.
