Idman.biz
Serbiyanın Zrenyanin şəhərində güləş üzrə U-23 Avropa çempionatı davam edir.
İdman.Biz xəbər verir ki, Azərbaycan güləşçiləri yarışda beş medal əldə ediblər.
Belə ki, Vasif Bağırov (57 kq) və Səbuhi Əmiraslanov (79 kq) gümüş, Musa Ağayev (65 kq), Ramik Heybətov (70 kq) və Zəfər Əliyev (97 kq) isə bürünc medal qazanıb.
21:17
Serbiyanın Zrenyanin şəhərində təşkil olunan güləş üzrə U-23 Avropa çempionatı davam edir.
İdman.Biz-in məlumatına görə, yarışın ikinci günündə Azərbaycanın sərbəst güləşçilərindən Yusif Dursunov (125 kq) da finala adlayıb.
Dursunov yarımfinalda belaruslu Stsiapan Mandrikə 3:2 hesabı ilə qalib gəlib.
Güləşçimiz Ali Tsokayev (92 kq) də yarımfinalda rusiyalı Mustafaqadji Malaçdibirova 6:4 hesabıyla qalib gələrək Avropa çempionatında finala yüksəlib.
Ölkəmizi təmsil edən Vasif Xudiyev (86 kq) isə yarımfinalda rusiyalı Bozigit İslamgereyevə 2:3 hesabıyla məğlub olub və sabah bürünc medal uğrunda güləşəcək.
Beləliklə, çempionatda finala çıxmış Azərbaycan güləşçilərinin sayı beşə çatıb - Yusif Dursunov, Ali Tsokayev, Ceyhun Allahverdiyev, Vasif Bağırov, Səbuhi Əmiraslanov.
20:30
Serbiyanın Zrenyanin şəhərində təşkil olunan güləş üzrə U-23 Avropa çempionatı davam edir.
İdman.Biz-in məlumatına görə, yarışın ikinci günündə Azərbaycanın sərbəst güləşçilərindən Ceyhun Allahverdiyev (61 kq) finala yüksəlib.
Ceyhun Allahverdiyev yarımfinalda Şimali Makedoniya təmsilçisi Bəşir Aliliyə 12:5 hesabıyla qalib gəlib.
74 kq-da güləşən Ağanəzər Novruzov isə yarımfinalda fransalı Seyfulla İtayevə 2:7 hesabıyla məğlub olub və sabah bürünc medal uğrunda güləşəcək.
16:10
Serbiyanın Zrenyanin şəhərində güləş üzrə U-23 Avropa çempionatı davam edir.
İdman.Biz xəbər verir ki, bu barədə Güləş Federasiyası məlumat yayıb.
Bildirilib ki, 125 kq çəki dərəcəsində ölkəmizi təmsil edən güləşçimiz Yusif Dursunov rumıniyalı Brian Samuel Teçereanu ilə qarşılaşmada tam üstünlüklə (10:0) qələbə qazanaraq 1/4 finala yüksəlib. Y.Dursunov növbəti mərhələdə erməni güləşçi Xaçatur Xaçatryanı 9:3 hesabı ilə məğlub edərək yarımfinala adlayıb.
Bundan əlavə ölkəmizi təmsil edən 70 kq çəki dərəcəsində çıxış edən Ramik Heybətov təsəlliverici görüşdə gürcüstanlı rəqibi üzərində inamlı qələbə qazanıb. O, Qoqa Otinaşvili ilə qarşılaşmada 6:2 hesabı ilə üstün olub. Heybətov axşam seansında bürünc medal uğrunda güləşəcək.
74 kq çəki dərəcəsində mübarizə aparan Ağanəzər Novruzov isə yarışa qələbə ilə başlayıb. Güləşçimiz türkiyəli Məhəmməd Halit Özmuş üzərində 4:1 hesablı qələbə qazanaraq 1/4 final mərhələsinə yüksəlib. Novruzov növbəti görüşündə də uğurlu çıxış edərək moldovalı Yon Markuya 6:1 hesabı ilə qalib gəlib və yarımfinala vəsiqə əldə edib.
92 kq çəki dərəcəsində çıxış edən Ali Tsokayev isə bolqarıstanlı Sali Saliyev üzərində tam üstünlüklə (13:0) qələbə qazanaraq 1/4 final mərhələsinə yüksəlib.
Qeyd edək ki, U-23 Avropa çempionatı martın 15-nə qədər davam edəcək.
09:20
Bu gün Serbiyanın Zrenyanin şəhərində güləş üzrə U-23 Avropa çempionatı davam edir.
İdman.Biz xəbər verir ki, yarışın ikinci günündə sərbəst güləş üzrə daha beş çəkidə Azərbaycan təmsilçiləri mübarizəyə qoşulacaqlar.
Ceyhun Allahverdiyev (61 kq), Ağanəzər Novruzov (74 kq), Vasif Xudiyev (86 kq), Ali Tsokayev (92 kq) və Yusif Dursunov (125 kq) ilk görüşlərini keçirəcəklər.
Həmçinin bu gün Vasif Bağırovla (57 kq) Səbuhi Əmiraslanov (79 kq) finalda, Musa Ağayevlə (65 kq) Zəfər Əliyev (97 kq) bürünc medal uğrunda güləşəcəklər. Ramik Heybətov (70 kq) isə təsəlliverici görüşə çıxacaq.
Qeyd edək ki, U-23 Avropa çempionatı martın 15-nə qədər davam edəcək.
