Idman.biz
Azərbaycan güləşçisi Gülxanım Şirinova Bakıda təşkil olunan U-17 dünya çempionatında bürünc medal uğrunda görüşdə məğlub olub.
İdman.Biz-in məlumatına görə 40 kq çəki dərəcəsində yarışan idmançı türkiyəli Şirin Askara 4:12 hesabı ilə uduzub.
Qeyd edək ki, dünya çempionatı Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.
12:28
Qadın güləşçimiz Fatimə Bayramova Bakıda keçirilən U-17 dünya çempionatında təsəlliverici görüşdə məğlub olub.
Idman.Biz xəbər verir ki, 53 kq çəki dərəcəsində yarışan idmançı macarıstanlı Mariya Jitovoza 0:2 hesabı ilə uduzaraq mübarizəni dayandırıb.
Digər güləşçimiz Gülxanım Şirinova (40 kq) isə bu gün axşam seansında bürünc medal uğrunda qarşılaşmaya çıxacaq.
Qeyd edək ki, dünya çempionatı Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.
11:37
Qadın güləşçimiz Gülxanım Şirinova Bakıda keçirilən U-17 dünya çempionatında təsəlliverici görüşü qələbə ilə başa vurub.
İdman.Biz xəbər verir ki, 40 kq çəki dərəcəsində çıxış edən idmançımız Monqolustan təmsilçisi Azzaya Battulqanı 10:0 hesabı ilə məğlub edib.
Gülxanım Şirinova bu gün axşam seansında bürünc medal uğrunda qarşılaşmaya çıxacaq.
Qeyd edək ki, dünya çempionatı Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.
09:51
Bakıda keçirilən U-17 dünya çempionatında bu gün iki qadın güləşçimiz xalça üzərinə çıxacaq.
İdman.Biz xəbər verir ki, 40 kq çəki dərəcəsində mübarizə aparan Gülxanım Şirinova təsəlliverici görüşdə Monqolustan təmsilçisi Azzaya Battulqa, 53 kq-da çıxış edən Fatimə Bayramova isə Macarıstan güləşçisi Mariya Jitovoz ilə qarşılaşacaq.
Hər iki idmançımız ötən gün 1/4 finalda məğlub olub.
Qeyd edək ki, yarış Milli Gimnastika Arenasında keçirilir. Dünya çempionatında 60-dan çox ölkədən 700-ə yaxın yeniyetmə güləşçi iştirak edir. Azərbaycan mundialda 29 idmançı ilə təmsil olunur.
