Idman.biz
Azərbaycanlı idmançı Ruzanna Məmmədova (62 kq) Serbiyanın Zrenyanin şəhərində keçirilən 23 yaşadək idmançılar arasında Avropa çempionatında gümüş medal qazanıb.
İdman.Biz-in məlumatına görə, Azərbaycan idmançısı finalda rusiyalı Amina Tandelova ilə qarşılaşıb.
Görüş rusiyalı idmançının 5:3 hesablı qələbəsi ilə başa çatıb.
Daha əvvəl Azərbaycan idmançısı Günay Qurbanova (59 kq) qızıl, Gültəkin Şirinova (55 kq) isə bürünc medal qazanıb.
20:36
Azərbaycan güləşçisi Fərid Sadıxlı Serbiyanın Zrenyanində keçirilən 23 yaşadək güləşçilər arasında Avropa çempionatının finalına vəsiqə qazanıb.
İdman.Biz-in məlumatına görə, Azərbaycan güləşçisi yarımfinalda gürcü idmançısı Koba Karumidze ilə qarşılaşıb.
Görüş 3:3 hesablı heç-heçə ilə başa çatsa da, Sadıxlı sonuncu məhsuldar hərəkətə əsasən qələbə qazanıb.
16:28
Serbiyanın Zrenyanin şəhərində təşkil olunan güləş üzrə U-23 Avropa çempionatının növbəti görüşləri keçirilib.
İdman.Biz xəbər verir ki, bu barədə Azərbaycan Güləş Federasiyası məlumat yayıb.
Bildirilib ki, 55 kq çəki dərəcəsində isə Fərid Sadıxlı rumıniyalı Denis Florin Mihaya üzərində 5:2 hesabıyla qələbə qazanaraq yarımfinala yüksəlib.
Bundan əlavə ölkəmizi təmsil edən 63 kq çəki dərəcəsində ölkəmizi təmsil edən İlkin Qurbanov 1/4 finalda moldovalı Vitali Yeryomenko qarşısında 1:5 hesabıyla məğlub olaraq yarışdan kənar qalıb.
Avropa çempionatına martın 15-də yekun vurulacaq.
15:37
Serbiyanın Zrenyanin şəhərində təşkil olunan güləş üzrə U-23 Avropa çempionatının növbəti görüşləri keçirilib.
İdman.Biz xəbər verir ki, bu barədə Azərbaycan Güləş Federasiyası məlumat yayıb.
Bildirilib ki, 63 kq çəki dərəcəsində ölkəmizi təmsil edən İlkin Qurbanov türkiyəli Enes Ülküyə 6:4 hesabıyla qalib gələrək 1/4 finala yüksəlib. 55 kq-da mübarizə aparan Fərid Sadıxlı isə çexiyalı Filip Bartoşik üzərində tam üstünlüklə (9:0) qələbə qazanaraq 1/4 finala vəsiqə əldə edib.
Bundan əlavə ölkəmizi təmsil edən 77 kq-da Rəvan Nuriyev təsnifat mərhələsində belaruslu Kirıl Valevskiyə 1:4 hesabıyla məğlub olub. 87 kq çəki dərəcəsində Səid Axundzadə 1/8 finalda rumıniyalı Patrik İulian Qordana 5:9 hesabıyla uduzub. 130 kq-da isə Ayxan Mərdanov təsnifat mərhələsində yunanıstanlı Axiles Xrisidisə 0:3 hesabıyla məğlub olub.
Avropa çempionatına martın 15-də yekun vurulacaq.
09:36
Bu gün Serbiyanın Zrenyanin şəhərində təşkil olunan güləş üzrə U-23 Avropa çempionatı davam edir.
İdman.Biz xəbər verir ki, yarışın beşinci günündə Azərbaycanın yunan-Roma güləşçiləri mübarizəyə qoşulacaqlar.
Təsnifat mərhələsində Fərid Sadıqlı (55 kq) çexiyalı Filip Bartoşik, İlkin Qurbanov (63 kq) türkiyəli Enes Ülkü, Rəvan Nuriyev (77 kq) belaruslu Kiril Valevski, Ayxan Mərdanov (130 kq) isə yunanıstanlı Axilles Xrisidislə üz-üzə gələcək. Səid Axundzadə (87 kq) isə 1/8 finalda rumıniyalı Patrik Yulian Qordanla mübarizə aparacaq.
Qadın güləşçilərindən Ruzanna Məmmədova (62 kq) qızıl medal uğrunda görüşə çıxacaq. O, həlledici qarşılaşmada rusiyalı Amina Tandelova ilə üz-üzə gələcək.
Nərgiz Səmədova (53 kq) bürünc medal uğrunda görüşdə türkiyəli idmançı Şevval Çayır ilə qarşılaşacaq.
Qeyd edək ki, Azərbaycan yarışda indiyə qədər ümumilikdə 10 medal qazanıb. Ali Tsokayevlə (92 kq) Günay Qurbanova (59 kq) Avropa çempionu olublar. Ceyhun Allahverdiyev (61 kq), Vasif Bağırov (57 kq), Səbuhi Əmiraslanov (79 kq), Yusif Dursunov (125 kq) və Gültəkin Şirinova (55 kq) gümüş, Musa Ağayev (65 kq), Ramik Heybətov (70 kq), Zəfər Əliyev (97 kq) isə bürünc medal qazanıblar.
Avropa çempionatına martın 15-də yekun vurulacaq.
