İslam Bazarqanov qızıl, Cəbrayıl Hacıyev və Rəşid Babazadə bürünc medal uğrunda mübarizə aparır - YENİLƏNİR

Azərbaycanın sərbəst güləşçisi Rəşid Babazadə (65 kq) Tirana şəhərində keçirilən Avropa çempionatında uğurlu çıxış edib.

İdman.Biz xəbər verir ki, güləşçimiz belçikalı Ayub Musayev üzərində 4:2 hesablı qələbə qazanaraq bürünc medal uğrunda görüşə vəsiqə əldə edib.

Qeyd edək ki, Azərbaycanın sərbəst güləşçisi İslam Bazarqanov (57 kq) Tirana şəhərində keçirilən Avropa çempionatının finalında Musa Mextixanov (UWW) ilə qarşılaşacaq.

Digər təmsilçimiz Cəbrayıl Hacıyev (79 kq) bürünc medal uğrunda Şimali Makedoniyanı təmsil edən Rasul Şapiyev ilə üz-üzə gələcək.

Rəşid Babazadə (65 kq) isə bürünc medal görüşündə Ermənistan təmsilçisi Vazgen Tevanyanla qarşılaşacaq.

Avropa çempionatının qarşılaşmaları Bakı vaxtı ilə saat 20:00-da İctimai TV-də yayımlanacaq. Yarış aprelin 26-da başa çatacaq.

10:25

Bu gün Albaniyanın paytaxtı Tiranada keçirilən Avropa çempionatında Azərbaycanın sərbəst güləşçisi İslam Bazarqanov (57 kq) qızıl medal uğrunda Musa Mehtixanovla (UWW) güləşəcək.

İdman.Biz xəbər verir ki, Cəbrayıl Hacıyev bürünc medal görüşünə çıxacaq. 79 kq çəki dərəcəsində yarışan təmsilçimiz Rasul Şapiyev (Şimali Makedoniya)/Tariel Qafrindaşvili (Gürcüstan) cütünün qalibi ilə üz-üzə gələcək.

Rəşid Babazadə (65 kq) isə təsəlliverici görüşdə Ayub Musayevlə (Belçika) qarşılaşacaq.

Xatırladaq ki, daha əvvəl yunan-Roma güləşçilərindən Həsrət Cəfərov (67 kq) və Qurban Qurbanov (82 kq) qızıl, Rəşad Məmmədov (55 kq), Nihat Məmmədli (60 kq) və İslam Abbasov (87 kq) isə bürünc medal qazanıblar. Yunan-Roma güləşi üzrə milli komanda hesabında birinci olub. Qadın güləşçilərdən Jalə Əliyeva (57 kq) və Günay Qurbanova (59 kq) bürünc medal qazanıblar.

Qeyd edək ki, Avropa çempionatı aprelin 26-da başa çatacaq.