Idman.biz
III MDB Oyunlarında Azərbaycanın daha iki güləşçisi gümüş medal qazanıb.
İdman.biz Report-a istinadən xəbər verir ki, Gəncə şəhər Olimpiya Kompleksində keçirilən yarışda 110 kq çəki dərəcəsi üzrə yarışan güləşçimiz Hakim Tağıyev finalda rusiyalı rəqibinə uduzaraq gümüş medala sahib olub.
80 kq çəki dərəcəsi üzrə yarışan güləşçimiz Əli Hacıyev isə finalda özbəkistanlı rəqibinə uduzub.
Bununla da güləş yarışlarında medalçılarımızın sayı yeddiyə çatıb.
19:05
Azərbaycan güləşçiləri III MDB Oyunlarında medal qazanmağa davam edirlər.
İdman.biz bildirir ki, güləş yarışlarının ikinci günündə daha beş güləşçimiz medal qazanıb.
Gəncə Olimpiya İdman Kompleksində təşkil olunan yarışlarda Rəvan Həsənzadə (48 kq) qızıl, Hüseyn İsmayılov (65 kq) gümüş, Esra Məmmədli (57 kq), Xədicə Qurbanzadə (49 kq) və İbrahim Süleymanov (55 kq) isə bürünc medalın sahibi olublar.
Qeyd edək ki, final görüşləri davam edir.
