Idman.biz
Almaniyada keçirilən paracüdo üzrə Avropa çempionatında paracüdoçumuz Saleh Sultanov (J1, 81 kq) bürünc medal uğrunda görüşdə gürcüstanlı rəqibi Mishiko Shiobrişvili ilə qarşılaşıb.
İdman.Biz bildirir ki, Sultanov rəqibinə ipponla qalib gələrək turnirin bürünc medalnı qazanıb.
17:47
Almaniyada keçirilən paracüdo üzrə Avropa çempionatında Azərbaycan təmsilçisi Saleh Sultanov uğurlu çıxışını davam etdirir.
J1, 81 kq çəki dərəcəsində mübarizə aparan paracüdoçumuz təsəlliverici görüşdə neytral bayraq altında çıxış edən Aleksandr Jujqovu məğlub edib.
Bu qələbə sayəsində Saleh Sultanov bürünc medal uğrunda görüşə vəsiqə qazanıb.
Azərbaycanlı idmançının növbəti qarşılaşmada əsas məqsədi Avropa çempionatının mükafatçıları sırasına düşmək olacaq.
13:59
Almaniyada keçirilən böyüklər arasında Avropa çempionatında debüt edən paracüdoçumuz Hüseyn İsmayılzadə uğurlu çıxışını davam etdirir.
İdman.Biz xəbər verir ki, 17 yaşlı idmançımız (J2, 70 kq) 1/8 finalda Böyük Britaniyanı təmsil edən Jimmy Aldersonla qarşılaşıb.
Hüseyn rəqibinə ipponla qalib gələrək adını 1/4 finala yazdırıb.
Beləliklə, Avropa çempionatında debüt edən Hüseyn İsmayılzadə mübarizəni davam etdirir.
